Visita l’Ayuntamientu d’Avilés

Visita l’Ayuntamientu d’Avilés

Avilés va ser una ciudá especializada n’Estensión Universitaria

El candidatu a Rector Santiago García Granda aconceyó na mañana del primer día d’abril nel Conceyu d’Avilés cola alcaldesa Mariví Monteserín pa tresllada-y en primer persona los sos planes pa que la Villa del Adelantáu encaxe como una pieza más na universidá asturiana.

La xunta desenvolviose na alcaldía y tuvo como exa los planes de la candidatura de potenciar les actividaes del Centru Universitariu que tien n’Avilés la Universidá d’Uviéu, ameyorando los sos servicios y ampliando los sos recursos humanos cola cuenta de promover un ambiciosu plan d’actividaes. Nel centru d’eses acciones atópase la idega de potenciar na ciudá de manera principal la Estensión Universitaria convirtiendo a Avilés en pieza clave de tol programa d’Estensión de la Universidá d’Uviéu.

Igualmente, Santiago García Granda treslladó a l’alcaldesa la so ufierta de collaboración plena col proyeutu de la zona portuaria avilesina y los proyeutos industriales de la ciudá, amás de col espaciu tecnolóxicu d’investigación ya innovación, convencíu del importante papel que pue xugar la Universidá nel campu de la tresferencia tecnolóxica pa beneficiu d’Avilés y polo xeneral de toa Asturies.

Deja un comentario

shares